Birsözümvar

Bir sözüm var layihəsi 7 il sonra Azərbaycana qayltdıqdan və uzun müşahidələr apardıqdan sonra insanımızın müəyyən intellektual anlayış səviyyəsinin üzərinə çıxması gərəkdiyi fikrinə gəlməyimlə formalaşdı. Bir kəsim intellektual aydın qrup kimi kütlədən ayrıdır və üstdən aşağı baxır. Bir qrupun ümumiyyətlə intellektlə yaxından-uzaqdan əlaqəsi yoxdur. Bir qrup da əslində insana onun intellektual, mənəvi və ekspert kimi inkişafına heçbir faydası olmayan kitabları oxuyaraq, söhbətləri dinləyərək və əyləncə tədbirlərində iştirak edərək özünü intellektual adlandırır. Biz də bir qrup gənclə xüsusilə gənclərin, ümumilikdə isə bütün cəmiyyətin intellektual səviyyəsinin yüksəldilməsi üçün bir yola çıxdıq. Beləcə, bu layihədə müxtəlif tədbirlər təşkil edir, vebinarlar keçirir, fərqli sahələrdən insanlarla görüşlər keçirir, yazılar yazır, xarici dildən tərcümələr edirik. Layihə hazırda dondurulub. Ancaq yaxın zamanda aktivliyini bərpa edəcək. Bu yolda bizə qoşulmaq istəyənlər müraciət edə bilərlər.